Այսօր՝ հունվարի 21-ին, արտակարգ դեպք է տեղի ունեցել Լոռու մարզում: Ժամը 10:50-ի սահմաններում ՀՀ Ներքին գործերի նախարարսության Փրկարար ծառայության «9-11» ճգմաժամային կառավարման ազգային կենտրոն ահազանգ է ստացվել, որ Սպիտակ քաղաքի թիվ 2-րդ մանկապարտեզում ծուխ է նկատվում:
Հայտնել է ֆոտոլրագրող Գագիկ Շամշյանը։ Օպերատիվորեն ժամանել են Սպիտակի հրշեջ-փրկարարական ջոկատից 2 մարտական հաշվարկ:
Պարզվել է, որ հրդեհը բռնկվել է սանհանգույցում, այրվել է առաստաղի 1 քմ հատված:
Փրկարարաներն ու մանկապարտեզի աշխատակիցներն էլ տարհանել են 117 երեխայի և 29 աշխատակցի:
Օպերատիվորեն ժամանել են նաև Սպիտակի բժշկական կենտրոնի բժիշկների հերթապահ խումբը:
Բարեբախտաբար բժիշկների օգնության կարիքը չի եղել:
