Հանրապետությունում այս անգամ ձմեռը հիմնականում առանձնացավ չոր եղանակով։ Տեղումները քիչ էին հատկապես դեկտեմբերիին ու հունվարին։ «Արմենպրես»-ի մամուլի սրահում հրավիրված ասուլիսում ՀՀ շրջակա միջավայրի նախարարության «Հիդրոօդերևութաբանության և մոնիթորինգի կենտրոն»-ի տնօրեն Լևոն Ազիզյանը նշեց, որ 2024 թվականի դեկտեմբեր ամսվա օդի միջին ամսական ջերմաստիճանը Հայաստանում կազմել է -2,8, որը նորմայից բարձր է 1,1-ով։ Դեկտեմբերին եղել է չոր եղանակ։
