Установка кондиционеров Установка кондиционера Купить кондиционер в москве Купить кондиционер Кондиционер купить песок доставка песка песок истра аренда автокрана Аренда экскаватора

Ով ում է գաղտնալսում Հայաստանում. սիրուհիներին, թե՞ վարչապետին

ggg

Armeniasputnik.am-գրում է. Հայաստանում գաղտնալսող սարքեր ունեն պետական մարմիններն ու մեծահարուստները. ԱԺ պաշտպանության և անվտանգության հարցերի մշտական հանձնաժողովի նախագահի թեկնածուն դժգոհ է ստեղծված իրավիճակից։

 

ԱԱԾ, ՀՔԾ ղեկավարների ու վարչապետի հեռախոսային խոսակցությունների գաղտնալսումները հարված էին Հայաստանի հանրապետությանը։ Այս մասին այսօր, ԱԺ–ում, պատասխանելով լրագրողների հարցերին, ասաց ԱԺ պաշտպանության և անվտանգության հարցերի մշտական հանձնաժողովի նախագահի թեկնածու Անդրանիկ Քոչարյանը։

Նրա խոսքով` դրա լավագույն լուծումը կլիներ գաղտնալսողին արագ հայտնաբերելը, բայց դա այսօր բարդ խնդիր է։

 

 

«Գոնե պետք էր գտնել, թե Հայաստանում դրա հնարավորություններն ունեցող ինչ կազմակերպություններ կան, որովհետև նախկին իշխանությունները ոչ միայն օգտագործում էին մոնոպոլ դիրք ունեցող ԱԱԾ հնարավորությունները, այլև իրենք պետությանը զուգահեռ ստեղծել էին իրենց գաղտնալսող համակարգերը, օրինակ` մաքսային ծառայությունում։ Բազմիցս իմ հայտարարություններում ասել եմ, օրինակ, Արմեն Ավետիսյանի կառավարման ժամանակ ձեռք բերված տեխնիկական միջոցների ու դրա անվտանգության համակարգի հնարավորությունների օգտագործման մասին»,– ասաց Քոչարյանը։

Նրա խոսքով, պետությունը պետք է տեղյակ լինի` ով ունի գաղտնալսման հնարավորություն։

«Պետք է հստակ իմանա նման հնարավորություններ ունի միայն ինքը, թե նաև այլ պետական կառույցներն ու մեծահարուստները, որոնց չգիտես ինչու տրվել էր այդ հնարավորությունը, երևի մեկը մյուսի սիրուհիներին գաղտնալսելու համար»,– ասաց Քոչարյանը։

Այս հարցին այսօր ԱԺ–ում անդրադարձել է նաև «Լուսավոր Հայաստան» խմբակցության ղեկավար Էդմոն Մարուքյանը։ Նա ևս կարևորել էր գաղտնալսումների բացահայտման անհրաժեշտությունը։ Հակառակ դեպքում, ըստ Մարուքյանի, Հայաստանը կարող է խնդիրներ ունենալ ՄԻԵԴ–ում։

«ՄԻԵԴ-ում այդ հարցը բարձրաձայնելուց հետո Հայաստանի ներկայացուցիչը պետք է կարողանա նշել`այդպիսի դեպք եղել է, դրանից հետո մեր երկիրը հարուցել է քրեական գործ, պատժել է մեղավորներին, Ազգային Ժողովում եղել է քննիչ հանձնաժողով, քննել է, պարզել է, պատասխանատվություն են կրել այսինչ մարդիկ: Այսպես կարող ենք խուսափել մեր երկրի համար անցանկալի հետևանքներից»,- ասել է Մարուքյանը:

Հիշեցնենք` 2018թ–ի սեպտեմբերի 11-ին համացանցում տարածվել էր Հայաստանի Ազգային անվտանգության ծառայության տնօրեն Արթուր Վանեցյանի և Հատուկ քննչական ծառայության պետ Սասուն Խաչատրյանի հեռախոսազրույցի ձայնագրությունը։ 8 րոպեանոց հեռախոսազրույցի ընթացքում նրանք քննարկում են Հայաստանի նախկին նախագահ Ռոբերտ Քոչարյանի կալանքը, ինչպես նաև ՀԱՊԿ գլխավոր քարտուղար Յուրի Խաչատուրովի և ՊՆ նախկին ղեկավար Միքայել Հարությունյանի դեմ հարուցված քրեական գործերը։ Նախկին 3 պաշտոնյաները մեղադրվում են 2008թ.-ի մարտի դեպքերի ժամանակ սահմանադրական կարգը տապալելու մեջ, որը հանգեցրել է 10 մարդու մահվան։

Առաջին գաղտնալսման հրապարակումից մի քանի ամիս անց համացանցում հայտնվեց նաև հեռախոսային խոսակցության երկրորդ մասը:

 







  • 1
  • 2
Prev Next

Բաց մի թողեք